هجرانه دئه

عشقیمین برنامه سین آچ بی خبر خاقانه دئه.

کیم سوروشسا بیر زامان پوزقون اولان احوالیمی

جور هجراندان اولوب کاشانه سی ویرانه دئه.

یار اگر رخسارینی توتسا برابر شمعیلن

من اونین شوقینده اولام یانماقا پروانه دئه.

گورجگین افغانیمی مجنونی پنهان اتد یلر

کیم چکیبدیر عاشیقین گورسن تکین میدانه دئه.

جان سنین دیر وئرمیسن چک تیغوی دور قتیلمه

هر نه یر امر ائیله سون من تابعم فرمانه دئه.

بیر بئله ایَامیلن بیر یول دئمه ز حالین نه دیر

چون گدالر ناله سی ائتمه ز اثر سلطانه دئه.

ای بوداقی اولمادی دوران مناسب رایمه

بیر نئچه مدت مگر صبر ائیله یم هجرانه دئه.