دیوانه یوک!

چون خرابات اهلی یوک هوشیار ایلن بیگانه یوک.

شمع تک یاننوق بو چولده هئچ ندن باک ائتمه روک،

محفل شمع هاردا اولسا بیز اورا پروانه یوک.

اهل دانش نیله ییر بیزلن قئلا بحث علوم،

عاقیله یئتمز زیان چون هاموموز دیوانه یوک.

زاهده دئینن فراق یارایلن کئچسین گونون،

بیزده بو میخانه ده ساقیله هم پیمانه یوک.

خلقلر دئیلر کی عزَِ و جاه وار فرزانه ده،

سن دئنن بیز رند دئیلوک هاموموز فرزانه یوک.

بو سنین عیبوندی گر بیر گورمه سون انسانلاری،

یوخسا بیز روز ازلدن گوهر بیر دانه یوک.

گر بیزی آدم گتیردی بوشلادی غربت یئره،

یوخ سوزوم حوا ایلن چون اهل بیر کاشانه یوک.

ای بوداقی مئی سئویرسن دهریدن آماده دیر،

سانما بو ویرانه ده بیزی غافل میخانه یوک.